Përse duhet lexuar ky Artikull?
Te qëndruarit pranë detit apo mjedisëve të ndryshme ujore, supozohet të na bëjë më të shëndetshëm. Përveç asaj, thuhet se dhe tingujt e ujit kanë një ndikim pozitiv tek ne. Përse kam zgjedhur pikërisht këtë artikull? Babai im ka pasur gjithmonë një bindje të patundur, se deti ndikon pozitivisht në shëndetin e tij. Për shkak të aktivitetit të tij profesional, ai ka pasur gjithmonë dhimbje të forta në gjunjë. Kjo bëri që ne të kalonim të paktën një javë pranë detit pothuajse çdo verë, pasi ai „shëronte“ ose i lehtësonte dhimbjen. Unë nuk e besova, por ky artikull ka për qëllim të më vërtetojë pikërisht atë, atë që babai im gjithmonë eshte përpjekur të më thotë. Përveç kësaj “përvoje” me babain tim, nuk më ka lidhur me asgjë me këtë temë. Meqë tani e kam lexuar dhe jam marrë me artikullin, kam kuptuar se çfarë efektesh pozitive ka uji tek ne, si për shembull reduktimi i stresit. Por padyshim jam befasuar me faktin që njerëzit inkurajohen të jenë fizikisht aktivë. Çfarë e bën artikullin të vlejë të lexohet? Artikulli shpjegon se si mund të ndikoni pozitivisht në shëndetin tuaj pa promovuar ndonjë medikament, program apo ndonjë mënyrë tjetër, por gjithçka në mënyrë natyrale. Për më tepër, kjo është tashmë një arsye më shumë që pushimet e mia të radhës t’i kaloj pranë detit.
Më shumë shëndet përmes detit?
Sandra Geiger, një psikologe urbane dhe mjedisore në universitet, studion efektet e natyrës që ndikojnë në shëndetin tonë. Studimi të cilin ajo ka publikuar fokusohet në përparësitë e afrimit me detin për mirëqenien. Ajri i pastër, aktiviteti fizik, relaksimi psikologjik përmes ujit dhe ndërveprimet sociale përmirësojnë shëndetin e njerëzve, të cilët frekuentojnë detin rregullisht. Këto përfitime janë të mundshme dhe të pavarura nga të ardhurat apo prejardhja. Sandra Geiger, studiuese e doktoraturës në Grupin Kërkimor të Psikologjisë Mjedisore, gjithashtu thekson se mjediset ujore, si liqenet dhe lumenjtë, mund të jenë po aq të dobishëm, madje edhe dëgjimi i tingujve të ujit në shtëpi mund të përmirësojë gjendjen shpirtërore dhe të sjellë gëzim. Sipas hulumtimeve, mjediset ujore janë shpesh herë më relaksuese sesa hapësirat e gjelbra, si për shembull parqet, dhe se tingujt e ujit reduktojnë stresin dhe rrisin performancën njohëse.
Das ist ein Lesetipp zum Beitrag: Mehr Gesundheit am Meer.
