Aaj kal log rozana apni zarurat se zyada shakkar khate hain. Sirf mithai ya cold drink mein nahi, balki dikhne mein “normal” cheezon jaise dahi, bread aur sauce mein bhi shakkar hoti hai. WHO kehti hai ke roz 50 gram se zyada shakkar nahi leni chahiye, lekin zyada tar log is se dugni lete hain.
Shakkar ki qisam
Har shakkar ek jaisi nahi hoti. Ghar wali shakkar (sucrose) do qisam ki shakkaron se mil kar banti hai — glucose aur fructose. Fructose phalon, sabzion, aur shahad mein hoti hai, lekin processed food mein isay alag se bhi dala jata hai. Jab ye alag se li jati hai (jaise cold drink ya sweets mein), to ye sehat ke liye zyada nuksan de sakti hai.
Nuksan
Zyada fructose aur sucrose lene se diabetes, motapa (overweight), aur high blood pressure jaise masail ho sakte hain. Research ke mutabiq, ye jism mein soojan (inflammation) bhi barhata hai, jo lambi muddat mein sehat ke liye khatarnaak ho sakti hai.
Diese Leseempfehlung stammt von Aliyan Zafar, Schüler der 5AK, Schulen des BFI Wien.
Das ist eine Lesetipp zum Beitrag: Mehr Fruchtzucker, erhöhtes Entzündungsrisiko
